أنواع الإحتضان ...

اكدت دراسه علميه موسعه ان كما للأحتضان فوائد كثيره فإن لتلك الفوائد نسب معينه تختلف باختلاف طريقة الاحتضان، أي انه هناك انواع وطرق عده للأحتضان

من خلالها تبرز الفوائد الحقيقه. واكد الباحث الاجتماعي .. جيمس راونلد ان هناك طرق مختلفه للاحتضان تعزز فاعليه وانتقال المشاعر بين المحبين او بالاصح بين الزوجين

مما يزيد من ترابطهما والتخفيف من الامراض الصحيه وأهمها الازمات القلبيه والنفسيه. واكد ان الطريقه المهمه في الاحتضان واللتي من خلالها تكمن الفائده الكبيره هي ان يكون لكلا الجسدين كامل الالتصاق والالتحام

كأن يكون الجسدين كقطعة واحده .. وكلما انغرس كل واحد ٍ منهما في الاخر كلما تعززت بذلك الفائده.. متعوب عليها كلمة انغرس خخخخ

واكد باحثون اخرون ان كيفية الاحتضان تعبر عن المشاعر الداخليه بين الطرفين.. فكلما كانت المشاعر اكبر كلما كان الاحتضان بطريقة افضل

ويأتي ذلك لا اراديا ً جراء تفاعل الجسدين بالمشاعر والاحاسيس الداخليه. ولقد اثبتت الكثير من الدراسات ان الزوجات اللاتي تـنعم بالاحتضان الكثير من زوجها

هي اكثر قدرة على تحمل الصدمات والأزمات النفسه.. وقادره ايضا ً على المضي قدما في حياتها اليوميه بكل ثقه وراحة تامه




النوع الأول

الاحتضان الابتدائي


هذا طبعا يكون.. في اول بداية العلاقة بين الطرفين .. لكثير الحياء بينهم ويمكن لان مابعد تولدت مشاعر من اصل

وهذا الاحتضان لايودي ولا يجيب .. يعني من جنبها يحسسك كأنك متكي على جدار بس خخخخ







الاحتضان الخجول


يكون فيه التقاء للجسدين لكن من بعيد لبعيد . .في حذر شوي

وهذا كمان يكون في المراحل الاوليه .. لكنه مثال جيد لــ الحضن المؤثر

حيث حركة الرأس بين اعلى الكتفين .. تمكن الجسد من الالتحام اكثر .. بدايه طيبه وبالتوفيق هههه







الاحتضان اللقطه
وهو ان يكون احد الطرفين اقصر من الاخر بحيث يمكن لاحدهما احتضان الاخر بالكامل

وهذا الاحتضان بصراحه خطير .. وخاصة اذا كانت الزوجه هي الاقصر وراح يأثر فيها كثير

لان زوجها اللي اطول منها يوم يحضنها بتحس كأنه مالكها كلها على بعضها

وبرضو بالنسبه للزوج بيكون سهل عليه انه يحتضنها ويحتويها

لكن العيب لو كان الزوج هو القصير والزوجه اطول؟؟ هههههههه

اتخيلهم بس .. تحفه






الاحتضان الطيران
اوه .. هذا عاد احتضان مهم جدا .. جدا .. ومايصير الا عند اللي مشاعرهم قويه جدا

وصدقوا الباحثين يوم قالوا ان الاحتضان يعبر عن المشاعر

يعني هالنوعيه من الاحتضان ماتشوفه الا بمطارات الاجانب مثلا يوم يرجع زوجها او حبيبها وهي من زمان ماشافته

تشوفها ياشيخ يطلع لها جناحين وتطير وتنقز عليه وهاتك يا بوس... والي عندنا الله يخلف عليهن يرجع زوجها من سفره طويله عريضه

تقابله بريحة البصل والثوم .. واذا ماكان هذا الشي .. تقابله وتقوله : هلا بو فلان حمد لله علسلامه .. نور البيت اشتقنا لك

ياهوووه ياهوووه في تعبير فعلي عن المشاعر .. .. اطلقوا العنان لها .. اطلقوووا مشاعركم .. خلوا ازواجكم يحبونكم اكثر واكثر

هذا مافيه حيا ... الا اللي تسونه هو قلة الحيااا ماتبسطون وتفرحون ازواجكم

<< معليش عصبت







الاحتضان الكنغر

اووه هذا كلام كبير .. وهو احتضان اشبة بلعبة الباليه.. تكون المشاعر فيه متأججه وفي قمة فرحها ووناستها وهو فعال لاحتواء كمية الفرح العارمه اللي

تكاد تقتلك من كبرها في قلبك.. وللاسف انها ماتصير عندنا الا ماندر .. يمكن تسألون ليه؟

بكل بساطة حريمنا كلهم كروش ومافيهم حيل ينقزن خخخخخخخخ

وحتى لو كان مافيها كرش.. الا انها تشوف هالحركه قلة حيا... ومبالغ فيها

اقول : مافي جنبي شي اكفخ هاللي تقول كذا على راسها... اقول بس تثقفي اللي يهداك









الاحتضان الدلوعي

هذا احتضان شبابي .. يعني اكثر ماتشوفه عندنا مثلا في ايام الخطوبه

والا يابنات يامتزوجات ؟؟

احتضان دلع فيه كثير من الرقه والدلال.. وهو جيد نوعا ما لان فيه تحريك لمشاعر القلب واللسان معا فيا تشوف

الواحد يوم يحضن كذا .. يا انه يقول قصيد او انه يتأمل في عيون اللي معه وللي معه جالسه تسبل في عيونها مصدقه نفسها خخخخخ

بس يجي منه هالاحتضان







الاحتضان الحنون

هذا احتضان يكون من الخلف .. وهو مأثر جدا في المرأه حيث انه يحسسها بقربك منها وهو اكثر تأثير من الاحتضان الامامي

واكثر ما نشوفه يوم تحمل المرأه .. تشوف زوجها كل مادخل عليها غافلها وحضنها من وراها وحط يده على بطنها

وكأنه دكتور بيطري ههههه

بس والله فعال هالاحتضان جدا .. وينصح فيه لانه مؤثر في المرأه لاسباب كثيره يجهله العلم وتعرفه المرأه في داخل صميمها ولا تبوح به




الاحتضان الملكي
هذا الاحتضان يكون فيه قمة الالتحام بين الاثنين.. مما يمد جسور كبيره لانتقال المشاعر والاحاسيس

وهو فعال جدا بالنسبه للمرأه والرجل ... وقد ثبت انه الافضل ويخفف من حدة التوتر العصبي والنفسي

عشان كذا تشوف يوم احد يزعل زوجته.. وتجلس اهئ اهيئ تبكي ودموعها اربع اربع

يجي زوجها ويحضنها بقوه زي اللي باين بالصوره .. وعلى طول تشوف الزوجه تهدأ ويوقف نهر دموعها وترضى بسرعه



سحر سحر هالاحتضان

اذكر واحد يقول زعلت زوجتي علي وقامت تبكي.. فا جيت وحضنتها وقلت لها اسف ياحبيبتي .. حقك علي وش تبين وش تامرين فيه .. وهي جالسه تبكي وتبكي وهدت شوي .. وقال لها: ايه خليك كذا احسن .. يالله قولي لي وش تبين وش تامرين؟

قالت على طول: ما ابي شي بس خليني لحالي .. وزادت في صياحها

قام قالها: خلاص تكفين . .ويالله قومي غيري عشان اوديك السوق

يقول نطت على طول وقالت: والله .. انت متأكد .. متى بنروح؟

نطت من مكانها ولا كأنها بكت من قبل خخخخخخخخخخ





الاحتضان الشرس


ياويلك ويلاه من هالاحتضان.. هذا احتضان انتقام مايبي له كلام

وينصح الاخصائيون الزوج انه يدخل صالة حديد رياضيه ويتدرب ويهلك نفسك سنه كامله

ويوم يطلع له عضلات ومن عطي الله .. يجي حق زوجته ويقولها بالحضن يابابا خخخ

ويرصها ويكسر عظامها هههههههههههههههه

هذا اللي بيسويها اكيد ما يحب زوجته خخخخ



طبعا الاخيره هاذي للمزح بس



تحياتي،،، :cheers:

شـكــ وبارك الله فيك ـــرا لك ... لك مني أجمل تحية .